ادبی

آتا

دونیادا صبیرلی چوخ زاد گؤرموشم

آمما هامی سیندان باشدیر آتالار

زامانین ان گوجلو سئلی قارشیندا

ائله بیل قایادیر داشدیر آتالار

غئیرت زیروه سینده یئل کیمی اسن

قات قات چتینلیگین کؤکونو کسن

حیاتی بنزه تسن بیر اوزوگه سن

بیلکی او اوزوگه قاشدیر آتالار

قورودو ناموسون شرافتینده

اوف دئمه دی موشگوللرده چتینده

یاشاییشین عذاب آدلی اودوندا

قوورولدور آتالار پیشدیر آتالار

چکدیگی زحمتلر کئچیبدیر ساندان

الینین قاباری نیشاندیر اوندان

اؤزونو سؤزونو بیلن زاماندان

کیشیلیگ آندینی ایچدیر آتالار

عؤمور یوللاریندا ارییب آخیب

چوخلو آجیلیقلار الینی سیخیب

حیاتدا چوخ چتین یوخوشلار چیخیب

چوخ هوندور قایالار آشدیر آتالار

(شیروان اوغلو) آز اؤزونو سولوشدور

قورخما نه دردین وار اونلا بؤلوشدور

شن گونونده دوداغیندا گولوشدور

غم گونده گؤزونده یاشدیر آتالار