ادبی

گئجه لر

چوخداندی یوخلامیرام یوخدی قراریم گئجه لر

اویادیر قونشولاری ناله و زاریم گئجه لر

گون باتاندا بیر عجب حال منه اوز گتیریر

دئییره م بس گله جک نازلی نیگاریم گئجه لر

یاتمیرام سؤزلری قلبیمده من آل وئر ائدیره م

صوبحه ده ک کسب واریم خوشدو بازاریم گئجه لر

او قده ر ائندیریره م میضرابی سیم اوستونه کی

قیریلیر تئلده بوتون چالمیر ی تاریم گئجه لر

باشقا بیر اولمور انیسیم کی ائده فیکریمی جمع

اولو بیر حوزن خانا کولبه ی تاریم گئجه لر

گؤزلریم یول چکیر هئی یار یولونو گؤزله ییره م

بیلمیرمکی نه ایچون گلمیر اویاریم گئجه لر

(شیروان اوغلو)یام ائله بوغض بوغازیمی توتور

ائله بیلکی دارالیر حلقه ی داریم گئجه لر